ADAM
Qaraqalpaqsha
at. 1. Oylaw hám sóylew qábileti bar, turmısqa kerekli óndiris quralların isley alatuǵın hám ol qurallardı jámiyetlik miynet prońesinde paydalana alatuǵın jan iyesi, kisi, insan.
Bir máhálde sırtqı esik ashılıp, bir adam kirip kele berdi (Á.SHamuratov).
2. Ulıwma adam balası, adamzat.
Túrkmen feodalları Bozatawdı adam aytqısız etip shabadı (B.Ismaylov).
3. Kópshilik, barlıq jurt-xalıq.
Gedeyler húkimetin ornatıw ushın qansha adam qurban boldı (K.Sultanov).
0 Adam boyı — adam boyı shenli aralıq, qashıqlıq, tereklik, biyiklik, uzınlıq.
Adam boyı jerlerge, Aparıp saldıq qazanı (S.Májitov).
Adam bende — adamnıń tuqımı, adam atawlı.
Úyde adam bende joq.
Adam uǵlı — adam balası, adamnıń tuqımı, adamiyzat.
Adam uǵlı bári birdeyin bolmas, Biriniń gúli solsa, biriniki solmas (Berdaq).
0 Adam qunı — a) eski tártip boyınsha óltirilgen adam ushın óltirgen adam tárepinen óndiriletuǵın dúnya-mal.
b) Qımbat, taptırmaytuǵın, baqasız, baqası tabılmaytuǵın, baqası joq, eń qádirli.
Adam qunı aq dári berip, Gúlzardı tiriltken eken (Berdaq).