AWA
Qaraqalpaqsha
m.s. 1. Jáne, taǵı.
Awa, shıraǵım, taǵı ne soraysız? -dedi ǵarrı, Qálek artına qayırılıp (Q.Irmanov).
— Awa, onı qaydan bilemiz? (J.Aymurzaev).
— Awa, awa ayta gór qáne? Aytpashaq, onı kelipti dep esitip edik ǵoy (Ó.Xojaniyazov).
2. Solay, yaqshı, maqul, durıs.
Sonda awılımız qaladay bola ma? Awa, ol sózsiz (Á.Tájimuratov).
3. Ózgeriw, solıw, qıysayıw, awısıw.
Kewliń awa berse kórgen qızǵa, Qanday adam bolsa da bolar qızba, Esitken ersilerge eleredlew, Aytıńızshı uqsamay ma aqılsızǵa (Ájiniyaz).
Tún ortası awa úyine kelip, azanda tań qarańǵısında izlep júrmeyin dep kiyimlerin bas ushına qoydı da tósekke boyın tasladı (K.Sultanov).