ӨЛИ I
Қарақалпақша
ат. Жаны жоқ, жаны шыққан адамзат ҳәм жанлы жаныўарлар.
Ҳаўазы жер жарған Бийбижан қыздың тирилип келгендей гөрдеги өли (Омар).
Өлини көп айтса, тириниң берекети кетеди (ққ.х.н.).
Өли сыйлаўдағы бексултанлығы, Қандай заман тусында да өлмейди (И.Юсупов).
Өлисине тик турып, тирисине иззет еткен ағайин-қарындасқа, кетерде кең мийримин төгип, «тилеклеспиз» деп көзлери жаўдырап қалған шийрин перзентлерине, саўашта қан сорпа болып жүрген инисине, үйдиң гирдикарының барлық салмағын еки ийнине көтерген ҳаялына қарайтуғын енди, оның ажары жоқ (К.Султанов).
0 Өлиге мегзэў — усаў, усасыў.
Өлиге мегзейди жүзиң айға шап («Мөспатша»).
Өли-тириси — адам ямаса ^айўанның өли ямаса тири екенлиги, хабары.
Өли-тирисин излетсең-о! — деп жылап еңиреп келген (К.Султанов).