ҮРПЕК
Қарақалпақша
кел. Тәртипке салынбаған, тиккейген, тозаққыған, үрпейген, шашыранды.
Ана бир үрпек путалар шоңқайып отырған жолбарыстай суўық (К.Султанов).
Үрпек бас — шашы тиккейген бас.
Амандық болғанда анаў үрпек бас қарындасы менен жүретуғын диўана ма? (Т.Қайыпбергенов).
Үрпе-шүрпе — майда, киши.
Үрпе-шүрпе қызыл қанат, шырағым.
Еле сизлер не көрдиңиз, балаларым (Бердақ).
Үрпек шаш — шашы тиккейген, тикке өскен шаш.