ҒАЙРЫ
Қарақалпақша
кел. Басқа, бөтен, шет, өзге, шет ел, теги басқа.
Анам берген нәсиятын тыңдамай, Ғайры елде қанша дүнья арттырдық («Алпамыс»).
Ғайры дин адамлары алдында ўәдени бузыў — исламның дийўалына күйе жағыў, балам, тез жет, — деди Мурат шайық (Т.Қайыпбергенов).
Ғайры биреўлерди етип жолдасың, Жүрме ағызып дилбарыңның көз жасын (Бердақ).
0 Ғайры нағыс — сулыў нағыс, гөззал нағыс.
Таўыс ғайры нағыс қанатын жайды.
Әтирапта көк шөплер, гүллер ғайры нағыс гилемдей таўланады (А.Әлиев).