ТЕК III
Қарақалпақша
к.с. Дәслепки жай гәптен андатылған ис-ҳәрекет ўақыяға соңғы жай гәпти қарама-қарсы мәниде қойыўда (дәнекер), өзи қатнаслы сөзлерди басқа сөзлерден айырымлап, шеклеп көрсетиўде (жанапай) қолланылатуғын көмекши сөз.
Апа, ҳәзир мениң қуўаныштан қус болып ушқым келеди, тек қанатым жоқ-дә (Ө.Хожаниязов).
Орынлаў унамлы нәтийжеге алып келетуғын болса орынланады, кери жағдайда оны тек қағаз көтереди (М.Нызанов).
Бул үйде «қудайы қонақ»тың мәнисин тек кемпир екеўимиз билемиз (М.Нызанов).