СҮЙЕК II
Қарақалпақша
ат. Өлиниң денеси.
«Усыннан өлип калсам! - дедим» — сүйегимди табыў ушын қалай жүрсем де, қамыслықтың басын буўып белги ислеп кетейин (К.Султанов).
Қақпағын көтерсең - мәзи куў сүйек, Саўдырасып жатыр.
Ал сыртын көрсең, — Арамейше жазыў.
Ҳәм де еңиреп, Жыласқан хаяллар тири ме дерсең (И.Юсупов).
Енди бир нәрседен кеўлим тоқ — қәйерде өлип қалсам да, сүйегим туўған жердиң топырағына араласады (М.Нызанов).
0 Сүйеги сипсе болыў — өлгенине көп ўақытлар өтиў, көп заманлар болыў.
Тиримен деген еки ели қағазың келғенде Жәмийланың сүйеги сипсе болғанша жолында еки көзи сарғаймас па еди? (К.Султанов).
— Қәўенлер баланың сүйеги сипсе болғаны қашшан! (М.Нызанов).