СҮЗИЛИЎ
Қарақалпақша
ф. 1. Назланыў, сызылыў.
Сайымбет қызы Үзилдик алдында хызметкер қыздай сузилдик (Әжинияз).
Есиктен таўыс қустай ғайры нағышланып, наз етип, сузилип, сызылып кирди (К.Султанов).
Шай кесени буған ала көзлери сузилип бағып отырған еңғезердей ири денели жигитке емес, ал Сәлменге услатқанын өзи де сезбей қалды (К.Көримов).
2. Шаршаў, аяў, уйқысы келиў, мөлериў.
Жайнап, жаўдырап туратуғын көзи киширейип сузилейин деди (Ж.Аймурзаев).
Сөлийма еки балдаққа сүйенғен пишинине, геллектей аяғына сузилип қарап, муңайған келбет көрсетти (К.Султанов).
Аманлыктың еки ийини түсип, атта отырысы салпаўсып көзлерин ириң басып сузилген еди (Т.Қайыпберғенов).