СОВЕТ
Қарақалпақша
ат. 1. Жумысшы класының диктатурасын жүзеге келтирген хәм соңиалистлик жәм ийеттиң сиясий шөлкеминиң формасы болған мәмлекеттиң органы.
Сабыров артына бурылып қараса, муз бетин қаплап киятырған шаналар жаўға атланған совет танкларындай болып елеследи (К.Султанов).
2. Сайлап яки таярлап қойылатуғын басқарыўшылық мәмлекетлик ямаса жәмийетлик орган.
Жаслай жетимликте питне болып, тирише өскен жигит үйренген бир-еки класс саўатына арқа сүйеп, дәслепки жыллары аўыллық советте завхоз болып ислеп келди де, урыс басланатуғын жылы ол кәсиптен жалықты ма, әйтеўир колхоз басқармасына келип, балық аўлаўға тилек билдирди (К.Султанов).
— Поселкалық советтиң председателин бер! — деди тағы телефонның трубкасын көтерип (К.Султанов).
Қыста жергиликли советлерге сайлаўларға таярлық басланды (Т.Қайыпбергенов).
3. Айырым мәкеме ҳәм шөлкемлердиң басшы яки кеңес органы.
Сөзлерди тарт қулақтан, тық апарып, Орны бар ма, жоқ па, — емес дәркар, Қалаўын тапсаң қар да кетер жанып, Редсовет ҳәм союздың қарары бар... (И.Юсупов).
Гейде отряд советлери, звенолар қайтадан сайланса да дәмем жоқ (Т.Қайыпбергенов).
Азанда мектепке қоныраў ет, директоры, женсовети бирге келсин (М.Нызанов).