ПЕЙИЛ
Қарақалпақша
ат. Минез, қәсийет.
Жасы биразға барса да, усы пейлин таслаған емес (Т.Қайыпбергенов).
Кең пейил, пейили тар, пейили жаман.
Көрип отырсаң, дүньяда молшылық, қудайым өзиңе пейилди де берген (Ә.Атажанов).
Көбинесе ол кең пейил, геўдиреген ақ көңил болып көринеди (Е.Өтепбергенли).
Ийилген дарақта мол болар мийўа, Пейили кең жигитке кең болар дүнья (И.Юсупов).
Сайымбет саў ўақытта келгенинде дайысына өзиниң усындай Мырзамурат пенен келиспеўшилигин, улыўма адамлардың пейилиниң тарылып баратырғанын, әңгимелесип отыратуғын еди (А.Әбдиев).