ПАРРА
Қарақалпақша
парра болыў ф. Бөлеклениў, майдаланыў, қыйқымланыў.
Дәудиң бели бүгилди.
Қолындағы қалқаны төрт парра болып бөлинди («Мәспатша»).
Ери анық қәҳәрленип есикти иштен илип таслап муш урса, иленәзик сүйеклери парра-парра болыўынан қорқып, Рабийби сыртқа қарай зып берди, манлайшаға илдирилип қалған орамалына да қарамады (Т.Қайыпбергенов).
Қараса аўдарылған машинаның жанындағы шала жансар жарадарлардың түги қалмай, парра-парра болып кетипти (Т.Қайыпбергенов).
0 Парра-парра етиў - бөлек-бөлек етиў, майда-майда етиў.
Әкемниң егил-тегил болып жылаўы дәрт үстине дәрт жамап, жүрегимди парра-парра етип жаралады (Ө.Хожаниязов).
Шырқырап жылаған нәресетелер жүрек-баўырыңды парра-парра етеди (А.Садықов).