ОҚТАЛЫЎ
Қарақалпақша
ф. Умтылыў, дәпиниў, қолайласыў, ыңғайласыў.
Оразгүл бир нәрсе айтқысы келип оқталса да, кейнинен ойланды да үндемеди (Т.Қайыпбергенов).
— Мен далаға шығып отын әкелейин деп оқталғанымды апам түсинип гүпимниң пешинен услап жибермеди (Т.Қайыпбергенов).
Айсара оған әри-бери тәселле айтпақшы болып оқталды да, тағы бата алмады (М.
Нызанов).
Сипсени алып ошақты сыпырайын деп оқталып еди, аяқ-қолы уйығандай сезилди (К.Султанов).
Сипсени алып ошақты сыпырыўға оқталды (К.Султанов).
Мен бул гәпти ол жерде де айтайын деп оқталып едим (Ә.Пахратдинов).