НАЛА
Қарақалпақша
ат. Қайғы, ҳәсирет, муң, шер.
Жеткерген Аллаға бенде наласын, Таба алмай жүр излесе панасын, Қара жер алған соң ата-анасын, Бир басқа ғамғүнлик келди, яранлар (Күнхожа).
0 Нала қылыў, нала шегиў — ҳәсирет шегиў, ҳәсирет тартыў.
Бул сеслер таралар ел нәпесинен, Бул сеслер бабамның шеккен наласы (Ш.Мәмбетмуратов).
Нала қылып жүреғимди, Берер бир күн билегимди (Бердақ).