КИСИ I
Қарақалпақша
ат. Адам, инсан.
Аштан өлер болсаң да, Кисиниң хақын алма («Мәспатша»).
Базарсыз күни сататуғын ешек қарастырып, ешек сататуғын кисини тапты (Қ.Айымбетов).
Ол киси қызын ҳәм улым, ҳәм қызым деп тәрбиялай берипти (ққ.х.е.).
0 Киси хақысын жемеў — бирэўдиң ҳеш нәрсесине тиймеў, қылап етпеў.
Киси ҳақысын жеместен, Биреўге зорлық етпестен (Жийен жыраў).
Биймазалаў киси — шатақлаў, жәнжелпазлаў.
Анасы кәйўана адам болса да, әкеси Төребай биймазалаў киси (К.Султанов).
Ақсақал киси — а) үлкен адам, кәткуда адам, жасы үлкейген адам.
... болысы да бир нәрсе бере ме — деп ақсақал киси жиберипти (Ә.Шамуратов).
б) жасы үлкейип, шашы ағарған адам, ақ сақаллы адам.
...чай ишип отырғанда ақсақаллы киси кирип келди (ққ.х.е.).
Нәшебент киси — көкнар ишетуғын адам, гиябент адам, көкнаршы.
Бирақ, нәшебент киси тағы Теңелди тутты (К.Султанов).
Муңлы киси — қапалы, қайғылы, уўайымлы.
Ишки сырын билдирмеген Айпарша, Оннан муңлы киси бар ма дүньяда («Қырқ қыз»).
Сықмар киси — ишпейтуғын, жемейтуғын, ҳеш нәрсе шығармайтуғын зықна адам, қатты, қызғаншақ киси.
Тәбият деген сықмар киси, Оннан жуўап алыў қыйын (И.Юсупов).
Есейген киси — жасы биразға барған адам, үлкейген адам.
Есимниң ... келистирип сөйлеген сөзлери бизлерге тәўир есейген кисиниң айтканындай сезилди (Ә.Шамуратов).
Қызба қанлы киси — бирден қызып кететуғын, есер адам.
Ол қызба қанлылаў киси (Ж.Аймурзаев).