ЖЫЛАН
Қарақалпақша
ат. Ийреңлеп жүретуғын жер баўырлаўшылар топарына киретуғын тисли, уўлы ҳәм уўсыз омыртқалы жәнлик.
Алдынан жылан кеселеп өткендей, Дүйсенбай адырайып гилт тоқтады (Т.Қайыпбергенов).
0 Жылан жалағандан етиў — дымын қоймай жеп қойыў ямаса алып кетиў.
Жылан жылы — мүшел есабының алтыншы жылы.
Жатқан жыланның қуйрығын басыў — өзи сүйкениў, бир нәрсениң болыўына өзи себепши болыў, басылып калған ҳәдийсени кайта қозғаў.
Суў жылан — көбинесе, суўда жүретуғын сары бас жылан.
Ордалы жылан — уясында топары менен жататуғын жылан.
Жылан көз — қарашығы тарыдай кишкене өткир көз.
Оқ жылан — қысқа ҳәм жиңишке атлыққыш жылан.
Қыр жылан — қырда өсетуғын жылан.
Қум жылан — кумда өсетуғын жылан.
Жылан баўыр — жыланның баўырына уқсатып орап өрилген өрим.
Жылан баўыр тобылғы, Зерли тилла камшысы менен, Саўырға сыйпап урады (Бердақ).