ЕТКИЗИЎ
Қарақалпақша
ф. 1. Ислеттириў, орынлатыў, еттириў, бежертиў.
Абаттың бир өзине қораның кемис-қутықпарының ҳәммесин еткизди («Жеткиншек» г.).
2. Бир нәрсени ислетиў.
ЖЫЛТ-ЖЫЛТ ЕТКИЗИЎ отты, жақтыны үсти-үстине ислеў, жылтылдатыў.
Буннан кейин ол гә қасқыр талап атырған ешки, гә қозылап атырған қой болып маңырады, үсти-үстине жылт-жылт еткизип от та шығарды (Ө.Хожаниязов).
САРТ ЕТКИЗИЎ тарсылдатыў, дүкилдетиў.
Шийрингүл жайдың қапысын сарт еткизип ашып босағадан еңтериле атлап ишине кирип келди (К.Смамутов).