ат. 1. Усыл, ийкем, ыңғай, бейим, қолай, әдис.
Ҳәмме ўақыт барлық нәрсеге еп етеди де жүреди, — деп тоңқылданды кемпир (Б.Кербабаев).
... Сәлийма бирдейине еп ислейди,... (К.Султанов).
2. Үнем, ҳийле, тәсил, жол.
... қонақ күтиўде де еп ислейсең, — деп ҳаялына кейиди үй ийеси (Қ.Айымбетов).
0 Ебин табыў — жолын билиў, ыңғайын билиў, ретлестириў, жайластырыў, қолайын табыў, ретин табыў.
Турды шофёр машинаға ход берди, Тас бөгеттен ебин таўып өткерди (И.Юсупов).
Пароходқа жүк тийэўши-грузчик болып кире аласаң кел, ебин таўып матрослыққа да кирип кете аласаң (Н.Дөукараев).