ДӘБДЕБЕЛИ
Қарақалпақша
кел. 1. Ләрзеге келтиретуғын.
Дәбдебели гүлдирмама; Дүньядағы ең шаўқымлы ҳәм дәбдебели салют атылды.
(«ҚЖ» г.).
2. Салтанатлы, келисиги келген, даңқы шыққан.
Дәбдебели той.
Қарун яңлы малы-мүлкиң ағыл-тегил бир кән болса, Дөгерегиң дәбдебели сондай бир саўлатлы сән болса (Ә.Өтепбергенов).
3. аўыс. Гән-сөзли, шаўқымлы.
Бундай дәбдебели отырыспаға араласып қалғанына Шернияз қысынып терлеп сала берди (К.Рахманов).