ДИРИЛДЕЎ
Қарақалпақша
ф. 1. Суўыққа тоңып қалшылдаў, зирилдеў, титиреў.
Денеси дирилдеў.
Усы киси есине түссе, Жумагүлдиң денеси дирилдеп, гейде түсинде ҳаўлығып шығатуғын еди (Т.Қайыпбергенов).
2. Бир нәрседен қорқып қалтыраў.
Байлар қашты телпеклери дирилдеп, Қызыл күшке бардаш бермей зирилдеп (И.Юсупов).
3. Қалтырап шығыў, қалтырап еситилиў.
Сәрсенбай даўысы дирилдеп жыламсырады (Т.Қайыпбергенов).
4. Силкиниў, титиреў, қалтыраў.
Жүреги дирилдеў.
Жасырмайын тәсиринен сезимниң, Жүрегимниң кеткенлигин дирилдеп (Ақшолпан Аманияз).