БӘРЖАЙ
Қарақалпақша
р. Ҳәммеси исленилип болынған, толық, кемиссиз, пүтин, ҳәммеси өз жайында, орынлаў, тамамлаў, питкериў, мүлтиксиз питкен.
Кеўил тасқын болса, ҳәммеси де бәржай (Ө.Хожаниязов).
0 Бәржай етиў — орынлаў, питкериў, жағдайластырыў.
Едигени бәржай етти қолға алып, Жолда айтты ели болып шайқалып (Әтеш).
Бәржай болыў — питиў орынланыў, бежерилиў.
Барлық ис бәржай болды (Ж.Аймурзаев).
Бәржай табыў — мақсетине жетиў, кеўили жәмлениў, нийети болыў.
Ҳасла сырды душпаныңа билдирме, Сонда исиң бәржай табар ел ушын (С.Мәжитов).
Бәржай келтириў — барлық нәрсени кеўилдегидей питкериў, орынлаў.
Дослықты бәржай келтирип, Ақыл берип өтейик (Бердақ).