БЕЛГИСИЗ
Қарақалпақша
кел. 1. Белгиси жоқ, анық емес.
Неге екени белгисиз бүгин ол көлдиң етегине қөбирек қарайды (Ө.Айжанов).
... кимге бағышланғаны бизлерге белгисиз жумбақ болды (Ә.Шамуратов).
2. Хабарсыз, нәмәлим, дерексиз, тайынсыз.
Атажанның қашан келетуғыны белгисиз (Т.Қайыпбергенов).
3. Түп дереги белгили емес адам.
Ырасында да, бул белгисиз адам ким екен, және усы тереклерди дөң басына шаншып тәрбиялағанда оның қандай ой-әрманы болды екен? (Ш.Айтматов).
Не қыларын билмей қыз тар көшениң ояқ-буяғына жалтаң-жалтаң қарап киятырғаны да сол екен, алдынан белгисиз биреў қақ ете қалды (А.Бегимов).