БАБЫ
Қарақалпақша
р. Күтим, жақсы, пәкизе, кеўлиндегидей.
«Еле отқа қыздырылып бабына келтирилмеген»...(М.Чимбергенов).
Бабын табыў — күтимин табыў, жақсылап күтиў, қараў.
Айтқанындай, Қәлийла кемпир-ғаррылардың бабын тапты (К.Султанов).
Бурын хожалығындағы жалғыз сыйырымыздың бабын табыў күшмийтек еди (К.Султанов).
Дүзде аттың бабын тапсаң, Ол өзиңе қанат болар (Қ.Ерманов).
Бабын таппаў — күтимин таба алмаў, күтимин жақсылап бере алмаў, жарай алмаў, қарамаў, жақсылап кеўилдегидей күте алмаў.
Бул өмирим ишинде қанша жарамсақтансам да сениң бабыңды таппадым, ...(ққ.х.е.) Салақ шеше бүл ер мудам, Баласының бабын таппай (И.Юсупов).